पालकमंत्र्याविषयी प्रा.मोहन वनखंडे सर बोलले.. स्वत: च्या मुलाला राजकारणात मोठे करण्यासाठी मला बाजूला सारले.. पक्षाच्या मिटिंग आणि कार्यक्रमातून जातंय डावलंले ?
LiVE NEWS | UPDATE
सांगली | महाराष्ट्र दणका न्युज नेटवर्क
जिल्हा प्रतिनिधी | आदी माने
मिरज | पालकमंत्री डॉ. सुरेश भाऊ खाडे यांच्या कडून भाजपा पक्षांमध्ये हुकुमशाही सुरू आहे. स्वत: च्या मुलाला राजकारणात मोठे करण्यासाठी सुरुवातीला मला बाजूला सारले, आता तर भाजपाच्या बैठका आणि कार्यक्रमातून सुद्धा मला डावलले जात आहे, असे गंभीर आरोप भाजपा अनुसूचित जाती मोर्चाचे प्रदेश सरचिटणीस प्राध्यापक मोहन वनखंडे यांनी केले आहेत. मिरज मध्ये वनखंडे हे प्रसारमाध्यमांशी बोलत होते.
मी भाजपाकडे उमेदवारी मागितल्या नंतर मला कार्यक्रमापासून डावलले जात आहे. पालकमंत्र्यांच्या दबावामुळे हा सर्व प्रकार सुरू आहे, असं सांगून वनखंडे सर पुढे म्हणाले, भाजपाचे वरिष्ठ नेते विनोद तावडे यांच्या मिरज मधील मीटिंग पासून सुद्धा मला बाजूला ठेवण्यात आलं. मात्र त्यानंतर विनोद तावडे यांची स्वतंत्र भेट घेऊन मी माझी व्यथा त्यांच्यासमोर मांडली आहे. प्रदेशचे महत्त्वाचे पद माझ्या कडे असून सुद्धा मला भाजपाच्या कार्यक्रम आणि बैठका पासून मला डावलले जात आहे, या बाबत मी पक्षाध्यक्ष आणि वरिष्ठांच्याकडे माझी नाराजी व्यक्त केली आणि माझी व्यथा मांडली आहे, अशी माहिती ही प्राध्यापक वनखंडे यांनी यावेळी दिली.
