प्रा. मोहन वानखंडेंचा निर्धार पक्का ; प्रथम भाजपला प्राधान्य पण निवडणूक लढणारचं 1001 टक्का
LiVE NEWS | UPDATE
सांगली | महाराष्ट्र दणका न्युज नेटवर्क
जिल्हा प्रतिनिधी | आदी माने
आगामी 2024 ची मिरज विधानसभा निवडणूक लढवण्याचा माझा निर्णय पक्का आहे. आता कोणत्याही परिस्थितीत माघार घेणार नाही. मी लढवणारच आहेच. भाजपा कडून उमेदवारी मागितली असून भाजपला उमेदवारी देतील अशी माझी अपेक्षा आहे, मात्र, अन्य पक्षाकडून निवडणूक लढवायची किंवा नाही, ह्या बाबत ज्या त्यावेळी वेगळी प्रेस घेऊन सांगू अशी प्रतिक्रिया भाजपाचे नेते प्राध्यापक मोहन वनखंडे दिली आहे. मिरज मध्ये वनखंडे हे प्रसार माध्यमांशी बोलत होते.
पालकमंत्री सुरेश भाऊ खाडे यांना भविष्यात राज्यपाल सारखं मोठं पद मिळावं, अशी आमची अपेक्षा आहे, मात्र, मिरज मधून भाजपाकडून मी इच्छुक असून त्याबाबत पक्षाकडे उमेदवारी मागितली आहे. नक्कीच पक्ष माझ्या नावाचा विचार करेल असं सांगून प्राध्यापक मोहन वनखंडे पुढे म्हणाले, ज्यांच्यासाठी पंधरा वर्षे अहोरात्र झटलो, मात्र, त्यांनी मला टाकून दिलं. मला आणि माझ्या कुटुंबियांना भरपूर त्रास देण्यात आला, अडचणीत आणलं. पण अडचणीच्या काळात माझ्या पाठीशी भक्कम राहणारे जनस्वराज्य पक्षाचे नेते आणि माजी मंत्री विनय कोरे आणि समीत दादा कदम यांना मी कधीही विसरणार नाही कायम त्यांच्यासोबत असणार असेही प्रा. वनखंडे यांनी यावेळी सांगितलं.