कोल्हापूर-मिरज-कलबुर्गी “इंटरसिटी एक्सप्रेस” सुरू करण्याची मागणी
LiVE NEWS | UPDATE
सांगली | महाराष्ट्र दणका न्युज नेटवर्क
शहर प्रतिनिधी | श्रीकांत यमगर
गेल्या वर्षाभरापासून सुरु असलेली गाडी क्रमांक 22155/56 कोल्हापूर-कलबुर्गी एक्सप्रेस या गाडीस प्रवाशांचा मोठ्या प्रमाणात प्रतिसाद आहे. यामुळे रेल्वे प्रशासनास ही मोठ्या प्रमाणात उत्पन्न मिळत आहे. मिरज व मिरज ग्रामीण भागातील प्रवाशांचा वाढता प्रतिसाद पाहता रेल्वे प्रशासनाकडून या गाडीस शयनयान व वातावणकुलीत डब्याची संख्या वाढवली. त्यामुळे प्रवाशांकडून मिळालेल्या भरघोस प्रतिसादामुळे प्रवाशांकडून या मार्गावर सकाळच्या सत्रामध्ये आणखी एक कोल्हापूर – मिरज – कलबुर्गी इंटरसिटी एक्सप्रेस सुरू करण्याची मागणी असून या विषयास अनुसरून सकाळच्या सत्रामध्ये कोल्हापूर मिरज कलबुर्गी इंटरसिटी एक्सप्रेस व प्रतीच्या प्रवासासाठी दुपारी कलबुर्गी-मिरज- कोल्हापूर इंटरसिटी एक्सप्रेस सुरू करण्यात यावी.
मिरज, सांगली, कोल्हापूर, कोकण व कर्नाटकातून पंढरपूर, सोलापूर, अक्कलकोट, गाणगापूर या ठिकाणी देवदर्शनासाठी जाणाऱ्या भाविकांची संख्या मोठ्या प्रमाणात आहे. या भाविकांना सकाळी कोल्हापूर किंवा मिरज मधून निघणारी व प्रतीच्या प्रवासासाठी कलबुर्गी येथून दुपारी सुटणारी गाडी योग्य व सोयीचे होणार आहे.
सध्या सुट्ट्यांचा तसेच लग्नसराईचा हंगामा सुरु होईल या काळात गाडी सुरू झाल्यास प्रवाशांना फायद्याचे व सोयीचे होईल. ही गाडी कोल्हापूर मधून सोडणे शक्य नसल्यास मिरज जंक्शन मधून मिरज-कलबुर्गी इंटरसिटी एक्सप्रेस म्हणून सोडण्यात यावी. ते ही शक्य नसल्यास गाडी क्र. 71422 मिरज कुर्डूवाडी डेमो या गाडीचा कलबुर्गी पर्यंत विस्तार करून मिरज-कलबुर्गी डेमो अशी सोडण्यात यावी. अशी मागणी मध्य रेल्वे मुंबई क्षेत्रिय सल्लागार समिती (ZRUCC) सदस्य किशोर भोरावत रेल्वे प्रवासी संस्था मिरज जंक्शन चे कार्याध्यक्ष संदिप शिंदे उपाध्यक्ष राजेंद्र पाटिल पंडितराव कराडे (तात्या) वाय सी कुलकर्णी मधुकर साळुंखे पाडुंरंग लोहार सोपान भोरावत कुंदन भोरावत यांनी मिरज जंक्शन चे स्टेशन प्रबंधक श्री.जे.आर.तांदळे यांना निवेदनाद्वारे केली.
