LiVE NEWS | UPDATE
सांगली | महाराष्ट्र दणका न्युज नेटवर्क
विशेष प्रतिनिधी | परशुराम बनसोडे
मिरज | वडडी ग्रामपंचायतीवर कायमस्वरूपी कमळ फुलवायचेच या जिद्दीने रिंगणात उतरलेल्या भारतीय जनता पार्टीला जोरदार झटका बसणार आहे. वडडी ग्रामपंचायतचे लोकनियुक्त सरपंच व सदस्य हे भाजपला रामराम ठोकत इतर पक्षात जाणार आहेत.
सन 2022 पासून भारतीय जनता पार्टीला लोकसभा व विधानसभेला वडडी गावातून लीड देऊन देखील निधी मिळत नसल्याचा आरोप करत सदस्य व सरपंचांनी आज झालेल्या बैठकीत वडडी गावच्या सर्वांगीण विकासासाठी भारतीय जनता पार्टी सोडून इतर पक्षात जाणार असल्याचे सांगितले आहे.
माजी कामगार मंत्री जिल्ह्याचे पालकमंत्री व संघाचे विद्यमान आमदार मा. सुरेश भाऊ खाडे यांनी वडडी गावाला विकासापासून वंचित ठेवले आहे. वडडी गावाला म्हणावा तसा निधी न देऊन गावावर अन्याय केला आहे. त्यामुळे आम्ही गावचा विकास कसा करणार? असा प्रश्न निर्माण झाला होता. गावच्या सर्वांगीण विकासासाठी लोकनियुक्त सरपंच व आम्ही सर्वच सदस्य यांनी भारतीय जनता पार्टीला सोडचिठ्ठी देऊन इतर पक्षात जाऊन काम करणार आहे. गावातील लोकहितांच्या योजना पूर्ण व्हाव्यात व संपूर्ण गावचा विकास व्हावा, यासाठी पक्ष सोडत असल्याचे त्यांनी सांगितले आहे.
