ना.तहसिलदार रविंद्र राठोड यांनी महसूल विभागात उत्कृष्ट कामगिरी बजावल्याबद्दल विभागीय स्तरावर प्रशस्तीपत्र देवून होणार गौरव
LiVE NEWS | UPDATE
वाशिम | महाराष्ट्र दणका न्युज नेटवर्क
जिल्हा प्रतिनिधी | फुलचंद भगत
मंगरुळपीर | मंगरुळपीर तालुक्याचे प्रभारी तहसिलदार हे आपल्या ऊत्कृष्ट कार्यशैलीने ओळखले जातात. पारदर्शक प्रशासनप्रणाली प्रशासन सुरळीत आणि योग्य रितीने चालवुन प्रशासनाची प्रतिमा शासन आणि जनता यांचेमध्ये उंचावून कार्य केल्यामुळे कर्तव्यतत्पर ना.तहसिलदार म्हणून रविंद्र राठोड यांची विभागीय स्तरातून पुरस्कारासाठी निवड झाली असून स्वातंञ्यदिनी त्यांना गौरविण्यात येणार आहे.
प्रशासन चालवण्याचा हातखंडा आणि जनतेची जुळलेली नाळ याचा समन्वय साधून प्रशासकिय कामकाज सुरळीत करणारे ना.तहसिलदार रविंद्र राठोड यांना आज गौरविण्यात येणार आहे. दि.१५ आॅगस्ट 2024 रोजी महसूल विभागात उत्कृष्ट कामगिरी बजावणा- या अधिकारी/कर्मचारी यांना प्रशस्तीपत्र देवून गौरव / सन्मान करण्याचे शासनाने निर्देश दिलेले आहेत. त्याबाबत सर्व जिल्हाधिकारी यांचेकडून उत्कृष्ट कामगिरी बजावणा-या अधिकारी / कर्मचारी यांचे शासनाने दिलेल्या निकषाप्रमाणे विवरण पत्रासह प्रस्ताव मागविण्यात आलेले होते. प्राप्त झालेल्या प्रस्तावाची शासनाने नेमून दिलेल्या पुरस्कार निवड समिती मार्फत सर्व प्राप्त झालेल्या प्रस्तावाची छाननी करण्यात आली. तसेच छाननी अंती अमरावती विभागातून उत्कृष्ट अधिकारी मंगरुळपीर येथील कर्तव्यदक्ष ना. तहसिलदार रविंद्र राठोड निवड करण्यात आलेली आहे. स्वातंञ्यदिनी दि.१५ रोजी विभागीय आयुक्त कार्यालयात होत असलेल्या एका मोठ्या समारंभात त्यांना सन्मानित करण्यात येणार असल्याने सर्वञ कौतुकाचा वर्षाव होत आहे.
